श्री सीता राम जय जय राम

ॐ 

श्री सीता राम जय जय राम 

मै केहि कहौं विपत्ति अति भारी | 

श्री रघुवीर धीर हितकारी  | १ | 

मम ह्रदय भवन प्रभु तोरा  | 

तहँ बसे आइ बहु चोरा | २ | 

तहँ कठिन करहिं बरजोरा | 

मानहिं नहि विनय निहोरा | ३ | 

तम, मोह  लोभ, अहँकारा | 

मद , क्रोध , बोध -रिपु मारा | ४ | 

अति करहिं उपद्रव नाथा | 

मरदहिं मोहि जानि अनाथा | ५ | 

मैं एक , अमित बटपारा | 

कोउ सुनै  न मोर पुकारा | ६ | 

भागेहू  नहिं नाथ ! उबारा | 

रघुनायक, करहुँ सँभारा | ७ | 

कह तुलसीदास सुनु रामा | 

लूटहिं तसकर तव धामा | ८ | 

चिंता यह मोहिं  अपारा | 

अपजस नहिं होइ तुम्हारा | ९ |